அவள் சிரிப்பு

குற்றால
சாரல் மழை!

அன்று இன்று

அன்று:
மாற்றான் தோட்டத்து
மல்லிகைக்கும் மணம் உண்டு.

இன்று:
மாற்றான் தோட்டத்து
மல்லிகைக்கும் மனம் (பணம்) உண்டு.

அன்று:
கற்புக்கரசி கண்ணகிக்கு சிலை!

இன்று:
கட்சியில் பதவி
நிகழ்கால கண்ணகிக்கு....

முரண்பாடு

உதய சூரியன் ஆட்சியில்
நாடே இருளின் பிடியில்...

தமிழ் செம்மொழி மாநாடு
கொடிசியா வளாகத்தில்...

முதலிரவு

வள்ளுவனின்
காமத்துப்பால்
திறப்பு விழா!

தமிழினத் தலைவர்

தமிழை வளர்க்கிறார்
மனைவி - துணைவி
எனும்
புதிய தமிழ் பண்பாட்டோடு !

முழங்குவதோ மக்களாட்சி
இளவரசர்கள் இளவரசி
புடை சூழ
தன் ஆட்சி!

வளர்க தமிழ்!
வளர்க தமிழ்!
ஆம் ...
தமிழை வளர்த்துவிட்டேன்!

ஆறுதல் அடைந்திருக்குமோ
அம்மனம்
அச்சபையில் தன் புதல்வனின்
அம்மொழி பேசும்
இயலாமையைக் கண்டு!